في الصفحة دي
الـ Sales Plugin إضافة لـ Claude عاملاها Anthropic نفسها. جواها 36 skill لشغل المبيعات كله: من البحث عن العميل، لتجهيز المكالمة، للـ deals، للـ pipeline والـ forecast. مش محتاج تحفظ أوامر: بتكلّم Claude عادي، وهو بيختار الـ skill المناسبة لوحده.
الـ plugin من عمل Anthropic، ومنشور على github.com/anthropics/knowledge-work-plugins. الصفحة دي شرح بالعربي من Grow With Khalaf بس، وإحنا مش تبع Anthropic. كل لينك هنا بيوديك للمصدر الأصلي.
قبل ما تبدأ
| محتاج إيه | ليه |
|---|---|
| اشتراك Claude مدفوع | الـ plugin نفسه ببلاش، بس الـ plugins شغالة في Cowork وفي Claude Code، ودول محتاجين باقة Pro أو أعلى (Max أو Team أو Enterprise). |
| تطبيق Claude على الكمبيوتر | عشان تبويب Cowork. نزّله من claude.com/download. أو استخدم Claude Code لو انت شغال عليه. |
| الـ CRM والإيميل (اختياري) | من غيرهم الـ plugin شغال برضه، بس على الملفات والنصوص اللي بتدّيهاله. لما توصّلهم، بيشتغل على الـ deals الحقيقية بتاعتك (الخطوة 4). |
1سطّب الـ plugin
- افتح تطبيق Claude على الكمبيوتر، وروح لتبويب Cowork.
- افتح Customize، وبعدها Plugins، ودوس Browse plugins.
- دوّر على Sales ودوس Install. خلاص كده.
ممكن الأدمن يكون قافل تسطيب الـ plugins. لو مش لاقي زرار Install، كلّمه.
افتح الـ Terminal واكتب الأمرين دول:
claude plugin marketplace add anthropics/knowledge-work-plugins claude plugin install sales@knowledge-work-plugins
- الأول بيضيف المكتبة الرسمية بتاعة Anthropic.
- التاني بيسطّب الـ Sales Plugin منها.
بعدها اقفل Claude Code وافتحه تاني.
2عرّفه على شغلك
أول مرة، اكتب الأمر ده في محادثة جديدة:
/sales:setup
هيقولك إيه الأدوات المتوصلة وإيه الناقص، ويتعلم أسلوبك في الكتابة عشان الإيميلات تطلع بصوتك انت، ويعملك dashboard تبدأ بيه.
قوله بتبيع إيه، ولمين (الـ ICP)، ومين منافسينك. كل الـ skills بعد كده هتشتغل على المعلومات دي.
3أهم 5 skills (اللي في الريل)
تقدر تكتب اسم الـ skill كأمر، أو تكلّمه عادي زي البرومبتس دي. املا اللي بين القوسين بالبرتقالي:
1Research /sales:account-research
بتدّيها اسم شركة، وتجهزلك عنها كل حاجة قبل الـ meeting: نبذة عنها، وآخر أخبارها، وأولوياتها غالبًا إيه، ومناسبة للـ ICP بتاعك ولا لأ.
عندي meeting بكرة مع [اسم الشركة]، شركة [مثلًا: لوجستيات في العاشر من رمضان]. جهزلي عنها كل حاجة: بيعملوا إيه، وآخر أخبارهم، ومين أهم الناس هناك، وإيه الأسئلة اللي أسألها.
2Competitor /sales:competitive-intelligence
بتحللك المنافس اللي قدامك في الـ deal، وتقولك تكسبه إزاي، وتعملك battlecard فيها الفرق بينك وبينه.
العميل بيقارنّا بـ [اسم المنافس].
اعملّي جدول مقارنة بينا وبينهم، وقولّي أكسب الـ deal دي إزاي، وأرد إزاي لو قال إنهم أرخص.
3Presentation /sales:create-an-asset
بتبنيلك presentation أو one-pager من بيانات العميل نفسه، مش كلام عام.
اعملّي presentation لـ [اسم العميل] من 6 slides، مبنية على ملاحظات آخر مكالمة والمشاكل اللي قالها.
متحطش أي أرقام مش موجودة في البيانات.
4Brief الصبح /sales:daily-briefing
كل يوم الصبح: الـ meetings بتاعة النهارده ومين اللي هتقابله، والـ deals اللي قربت تتقفل، والإيميلات اللي مستنية ردك، وأهم حاجة تعملها.
اعملّي الـ brief بتاع النهارده: مين عندي meetings معاه، وأنهي deals قربت تتقفل، ومين مستني ردي.
5Outreach /sales:draft-outreach
بتكتبلك إيميل أو سلسلة رسايل لكل عميل حسب مرحلته، بأسلوبك انت.
اكتبلي 3 إيميلات follow-up لـ [اسم العميل]. عملنا معاهم demo من أسبوعين ومردّوش من ساعتها.
خلّي كل إيميل قصير، وكل واحد بزاوية مختلفة.
4وصّله بالـ CRM بتاعك
ده اللي بيفرق. لما توصّل أدواتك، Claude بيشتغل على الـ deals والإيميلات والمكالمات الحقيقية بتاعتك. التوصيل من Customize ← Connectors في تطبيق Claude.
| النوع | أمثلة | بيدّيله إيه |
|---|---|---|
| CRM | HubSpot، Close، Salesforce | الـ deals والحسابات والـ contacts، ويقدر يحدّثها |
| الإيميل والكالندر | Gmail، Google Calendar، Calendly، Microsoft 365 | المحادثات مع العملاء، والـ drafts، والمواعيد |
| تسجيل المكالمات | Gong، Fireflies، Zoom، Otter.ai | الـ transcripts وتاريخ المكالمات |
| بيانات الشركات | Clay، ZoomInfo، Apollo، Lusha، Crunchbase | معلومات عن الشركات والناس |
| الشات | Slack، Microsoft Teams | كلام التيم عن العميل |
ارفعله شيت Excel فيه العملاء والـ deals، أو الصق ملاحظات المكالمات. هيشتغل عليها، وهيقولك إيه اللي مقدرش يشوفه.
تقدر تخلّي أي أداة تبعت أو تعدّل (زي إرسال إيميل أو تحديث الـ CRM) تستأذنك الأول. سيبها على Ask، وراجع أي رقم قبل ما يوصل للعميل.
الـ 36 skill كلهم
كلهم بيشتغلوا بنفس الطريقة: يا إما تكتب الأمر، يا إما تطلب اللي انت عايزه وهو هيختار.
| الأمر | بيعمل إيه |
|---|---|
| setup | أول تشغيل: الأدوات المتوصلة، وأسلوبك في الكتابة، ويعملك dashboard تبدأ بيه |
| daily-briefing | الـ brief بتاع الصبح |
| call-prep | يجهزك قبل المكالمة: مين هيحضر، وتاريخ الحساب، وأسئلة الـ discovery |
| call-summary | يحوّل الـ transcript لملخص، وإيميل follow-up، وتحديثات للـ CRM |
| inbox-sweep | يرتّب إيميلات العملاء اللي متقريتش حسب الأهمية، ويكتب الردود |
| schedule-meeting | يلاقي ميعاد، ويبعت الدعوة، ويسجلها في الـ CRM |
| log-activity | يسجّل مكالمة أو meeting أو إيميل على الحساب الصح |
| end-of-day | يقفل اليوم، ويطلّعلك أهم 3 حاجات بكرة |
| weekly-wrap | ملخص الأسبوع: إيه اتقفل، وإيه اتحرك، وإيه اتأخر |
| الأمر | بيعمل إيه |
|---|---|
| account-research | بحث عن شركة أو شخص قبل ما تكلّمه |
| account-context | كل حاجة عن حساب من الـ CRM والإيميل والمكالمات في brief واحد |
| stakeholder-map | خريطة الناس في الـ deal: مين بيقرر، ومين معاك، ومين ضدك |
| draft-outreach | إيميل أو سلسلة رسايل مخصوصة لكل عميل |
| lead-triage | يقيّم الـ leads الجديدة على الـ ICP بتاعك |
| route-lead | يقترح مين في التيم ياخد الـ lead، ويكتب ملاحظات التسليم |
| account-tiering | يقسّم الحسابات لمستويات حسب المناسبة والتفاعل |
| account-plan | خطة للحساب الكبير، ويحدّث أهم الحقول في الـ CRM |
| expansion-whitespace | فرص upsell أو expansion في العملاء الحاليين |
| الأمر | بيعمل إيه |
|---|---|
| deal-review | مراجعة deal واحدة: صحتها، والمخاطر، والخطوة الجاية |
| deal-advance-gap | إيه الناقص عشان الـ deal تتقدم وتتقفل |
| deal-signals | تنبيهات: deal ساكتة، ميعاد بيتأخر، منافس اتذكر |
| deal-slip-scenario | لو deal اتأخرت أو صغرت، التارجت بتاعك هيتأثر إزاي |
| close-plan | business case وخطة بمواعيد لحد التوقيع |
| handle-objection | ردود على الاعتراضات من تاريخك انت مع العملاء |
| competitive-intelligence | تحليل المنافس وإزاي تكسبه |
| create-an-asset | presentation أو one-pager من بيانات العميل |
| update-opportunity | يحدّث المرحلة والميعاد والقيمة، ويوريك قبل وبعد |
| الأمر | بيعمل إيه |
|---|---|
| pipeline-review | صحة الـ pipeline مرحلة مرحلة، والـ deals اللي في خطر |
| crm-hygiene-check | يدوّر على الحقول الناقصة والمواعيد القديمة من غير ما يعدّل حاجة |
| forecast | الـ commit والـ best case لاجتماع الـ forecast |
| team-pipeline | للمدير: pipeline التيم كله حسب كل واحد |
| rep-context | للمدير: تجهيز الـ 1:1 مع واحد من التيم |
| win-loss-review | ليه بنكسب وليه بنخسر في آخر الـ deals |
| الأمر | بيعمل إيه |
|---|---|
| customer-health | صحة العميل وتجهيز الـ QBR |
| customer-voice | كلام العملاء عن موضوع معين من المكالمات والإيميلات |
| renewal-radar | التجديدات الجاية، والمخاطر، وفرص الزيادة |
قبل أي أمر حط /sales:، زي /sales:deal-review.
أسئلة ومشاكل
| السؤال أو المشكلة | الإجابة |
|---|---|
| هو ببلاش؟ | الـ plugin نفسه ببلاش ومفتوح المصدر. بس عشان تستخدمه محتاج اشتراك Claude مدفوع (Pro أو أعلى). |
| ينفع على claude.ai في المتصفح؟ | الـ plugins شغالة في تبويب Cowork في تطبيق الكمبيوتر، وفي Claude Code. |
| مش لاقي Sales في الـ plugins | اتأكد إنك في تبويب Cowork مش Chat، وإن التطبيق آخر نسخة. لو على Enterprise، ممكن الأدمن قافلها. |
| الأوامر مش ظاهرة في Claude Code | اقفل Claude Code وافتحه تاني بعد التسطيب، واكتب /sales: عشان تشوف الليستة. |
| هيبعت إيميلات أو يعدّل الـ CRM لوحده؟ | لأ لو سبت الأدوات على Ask. ساعتها هيستأذنك قبل أي إرسال أو تعديل. |
| Salesforce أو Microsoft 365 مش بيتوصلوا | دول محتاجين الأدمن بتاع الشركة يفعّلهم في Claude الأول. |
الـ Sales Plugin من عمل Anthropic، ومنشور على github.com/anthropics/knowledge-work-plugins. المعلومات من الـ README الرسمي، ومن مقالة الـ plugins في Claude Help Center، واتراجعت في 29 أكتوبر 2026. الشرح والأمثلة من Grow With Khalaf، وإحنا مش تبع Anthropic.